Awe durante un conferencia di prensa, minister Dangui Oduber a duna anuncia cu pronto lo tin e registro nacional di cancer. “No tabatin un registro nacional di cancer. Un malesa cu hopi hende ta fayece aki na Aruba”, e ta bisa.
Pa e parti di prevencion, e mandatario ta kere cu ta importante pa tin un registro oficial. For di aña pasa nan a yega un acuerdo cu compania den Caribe pa logra esaki pa sinta cu bestuur di hospital pa setup pero esaki no a logra.
Awo cu a haci cambio di bestuur, e ta bisa cu a haya cooperacion necesario cu tabata mester y conhuntamente cu DVG pa cuminsa traha e registro nacional cu lo yuda pa prevencion.
El a bisa cu tin e stuurgroep y werkgroep pa asina e prome cuartal keda cla cu e registro. “E registro nacional di cancer lo yuda cu data y informacion cu mester preveni e malesa aki”, E mandatario ta bisa.