E Aruba Short Film Festival a cuminsa na 2014 y e prome ganador tabata Darwin Winklaar kende ta studiando arte na Hulanda.
E promer edicion a conta cu un gran audiencia y tabata un exito rotundo.
Despues di algun luna por a mira algun di e miho filmnan cortico na Telearuba varios biaha.
Aruba Short Film Festival ta un plataforma poderoso pa expone bo talento den film cortico.
Na 2015 e magno evento aki a crece y a dividi e participantenan den 2 categoria cual ganadornan a resulta Gabriela Croes y Semi Chahmi.
Gabriela ta studiando film na Hulanda y Semi Chahmi ta conoci pa Chahmi Films y hopi mas.
Na 2016 nos a opta pa no dividi e participantenan den 2 categoria di edad.
E gran anochi di gala di e ceremonia pa presentacion di premionan lo tuma lugar na e mahestuoso Crystal Theater na Renaissance riba diabierna dia 25 di November 2016.
E lo ta un anochi espectacular unda tur hende lo disfruta di filmnan netamente Arubano.
Reserva dia 25 di November venidero cuminsando 8 pm pa bay y apoya nos filmnan local!
Tur persona cu tin pregunta por email na [email protected] of bishita nan pagina di Facebook.
Ticketnan lo ta na benta na entrada desde 7 pm ora porta habri, riba e anochi di e gran ceremonia.