Twyma v/d Biezen encarga cu mercadeo di Serlimar a duna di conoce cu a haya cargacion chikito tanten pa loke ta e barinan di sushi residencial. Algo di 1600 bari loke ta pidi pa esnan cu tin bari kibra na cas pa registra oficialmente. Por haci uzo di e linea di comunicacion 5245080 y asina ta duna nomber, number di contacto y adres y cuanto bari ta kibra.
Debi cu tin un cantidad limita cu reemplasamento di un bari so pa un nobo. Esaki ta conta pa tur esnan registra. Manera cu haya e otro containernan cu mester yega lo sigui cu e repartimento di bari nobo. Tin un lista basta largo pa esnan cu mester bari nobo. E aña aki a dicidi pa cuminsa cu esaki, debi cu ta bay introduci e tarifa social y no discrimina, e ora ey ta reparti e barinan pa tur esun cu mester di dje, e ta conta pa clientenan cu a paga claro ta haya preferencia y esnan cu no a paga lo haya pero mester registra.
Inicialmente awor ta un bari pa cada cas, pero por agrega un bari mas pero mester bin un tarifa special pa esaki unda cu pronto serlimar lo anuncia den futuro, asina Sra Twyma a informa.