Ta cuestion di dia pa Ministerio di Educacion hunto Setar lo anuncia e App di Papiamento, unda cu tur hende lo por baha e spellchecker di Papiamento. Minister Rudy Lampe, di educacion, ta splica.
Asina tur hende lo por scirbi papiamento corecto a base di e lista di palabra y ortografia cu a keda aproba den parlamento. Esey ta lo un instrumento hopi importante pa asina standardisa nos papiamento, pa cuid’e y skirbi’e na un manera corecto.
Esaki ta un siguimento di loke a sosode den parlamento. Lo informa prensa y publico en general di e noticia aki, cu ta cuestion di dia cu e lo por keda lansa, e app di papiamento. Pa loke ta nos sistema di enseñansa, aworaki cu papiamento ta standardisa, e luga cu e ta bay tin den nos sistema di enseñansa lo yuda e desaroyo di nos muchanan y lo eleva e nivel di nos educacion, pasobra cu e ta nos idioma materno y e ta bay stimula nos muchanan y nos hobennan pa pensa di un manera mas critico, pensa pa nan mes, expresa nan mes. E beneficionan ta bay ta positivo pa henter e desaroyo social y personal di nos comunidad.
Pa loke ta e proyecto piloto di scolnan multilingual, for di inicio caba di e periodo di su mandato, e resultado positivo di e dos proyectonan piloto, vooral esunnan cu a caba cu klas 6, por mira cu e proyecto piloto a sigui tur e 8 añanan den e sistema aki, di e scol multilingual, por mira un porcentahe mas halto, a sigui pa HAVO y un percentahe hopi menos a bay na e nivel mas abao di nos sistema di nos enseñansa. Esey ta indicacion di cu e ta un exito. P’esey a dicidi cu lo implementa esaki na tur e scolnan, gradualmente na un manera responsabel, for di augustus 2018, tur scol preparatorio, for di 1e aña lo tin e sistema di scol multilingual. Y esey sucesivamente lo bay keda introduci den e siguiente klas y por bisa cu pa 2028, e plan educacion nacional (nationaal onderwijs plan) ta di 2018 pa 2030, na final di e periodo aki, tur scol na Aruba ta basa ariba e modelo di e scol multilingual.
Ta trahando actualemente cu’n plan strategico cu ta un plan di hopi mas aña, un “meerjarenplan”, den e caso aki di 12 aña. E lo wordo lansa na december 2018 y lo bay te cu 2030. Lo introduci e cambionan aki y lo no por cambianan na mita caminda. Unabes cu e trein cuminsa core ta te na e final e tin cu keda core. P’esey tambe e plan educacion nacional aki pa Aruba, ta bay conta pa e periodo irespectivamente si un minister, cua ministeer ta na mando, e ta bay conta pa e periodo 2018- 2030. Rond mundo e maneho di enseñansa mester ta basa ariba un maneho a largo plazo. Maneho di enseñansa no ta manera e careranan a largo plazo. Maneho di enseñansa mester ta uno a largo plazo. Tur minister di educacion bin, mester compronde esey. Bo no por ta un minister di enseñansa, si bo no sa cu e maneho di enseñansa ta uno a largo plazo.