Gobierno ta hopi serio den locual cu ta trata e maneho cu mester bin riba e tereno di Medio Ambiente aki na Aruba. Na diferente ocasion den pasado a presenta esaki como partido y cada partido den coalicion a mustra cu ta bay sigui conoce desaroyo y cu esaki mester ta balansa cu ta tene na cuenta bienestar di nos Comunidad, Medio Ambiente y Naturalesa.
Loke cu a resalta durante combersacion cu DNM durante di e encuentro cu e empleadonan, ta cu pa hopi tempo poco atencion cu a wordo brinda na nos medio ambiente.
“Den combersacionnan cu mi tabatin cu Parke Nacional Arikok caminda cu mi a combersa cu sr. Greg Peterson riba e diferente terenonan comercial cu ta wordo duna den groengebied y contra di e maneho general di gobierno pa loke ta mas cambernan di hotel. Aworaki DNM ta bay haya un prioridad den maneho di e gobierno aki. Ya caba a combersa riba un maneho integral pa loke ta trata naturalesa y medio ambiente cu e departamento tin basta aña ta traha riba dje, pero cu nunca a haya atencion door di e Minister anterior. Mi a pone cu den e prome 90 dianan di e gobierno aki, cu mi kier pa e rapport wordo adapta caminda ‘stakeholders’ lo reuni cu DNM pa actualisa e rapport. Haciendo esaki Aruba lo tin pa prome biaha un maneho di medio ambiente cu ta cana ‘man den man’ cu infrastructura, otorgamento di terenonan y proyectonan di gobierno, pa asina logra e balansa cu ta busca entre desaroyo y cuido di nos medio ambiente,” Minister Oduber a termina bisando.