Recientemente a celebra Dia di nos Grandinan. Nos grandinan ta esunnan cu a construi nos pais, cu awe nos por lanta nos yiunan y nan por lanta nan yiunan riba e dushi baranca aki. Prome Minister di Aruba, Sra. mr. Evelyne Croes ta amplia.
Sra. mr. Evelyn Wever- Croes, a sigui bisa cu mester traha ariba mas Cas di Cuido pa nos grandinan. Pero tambe esunnan cu kier keda cas, pa nan por tin un sosten eynan. Mester traha ariba un sosten financiero, ya cu e pensioen di biehes ta demasiado abao. Pa loke ta e sistema di belasting, esey ta algo cu ta bay tuma luga hopi pronto.
Pero apart di esey ta mira cu tin mas respet y aprecio pa nos grandinan den comunidad. Manera p.e. ora cu un pensionado mester bay un departamento di gobierno of banco, ta haya express lane pa nos grandinan, ora cu nan ta para den rij. Y ta siña e hobennan, pa lanta ariba y laga e grandinan sinta.
Gobierno ta bezig bou di e ministerio di Asuntonan General, pa habri un Conseho di Grandinan cu lo ta un instancia cu lo conseho gobierno ariba tur e tematicanan cu tin di haber cu nos grandinan, y cu esaki gobierno pone den ehecucion e maneho pa nos grandinan, segun Sra. Evelyn Wever- Croes.
Un biaha mas Prome Minister kier a felicita tur e grandinan, cu recientemente a celebra e Dia di Nos Grandinan. Sra. Wever- Croes a cumisna e prome fase pa baha e prima di AZV di nos pensionadonan, y ta bayendo pa e di dos stap pa yega na mas compensacion pa nos pensionadonan.