Pa algun tempo caba e team di DIMAS a cuminsa traha riba un website completamente nobo pa e departamento aki.
Marilyn Wout, relacionista publico di DIMAS, a splica, cu a haci un diseño completamente nobo, modern y mas atractivo pa e clientenan. Na e momento aki ta caba cu tur e seccionnan den un idioma. Falta tres idioma mas pa cual ta pidi tur ciudadano pa tene un tiki mas di pasenshi. E ta algo cu nan ta trahando riba dje pa algun luna caba.
DIMAS kier ofrece un producto cu ta yuda e hendenan pa guia den e buskeda di informacion y ta duna e cliente un miho bista cual permiso ta cuadra mas cu ne.
Bana di e website, ta trahando tambe riba e web portal cu lo facilita e forma pa e cliente sigui su datonan. Tabatin un soft launching caba di e web portal pa articulonan 1 y 2, cu ta pa e personanan cu no mester di permiso pa biba na Aruba. El a splica cu ta trata aki di yiu di un Arubiano cu a biba den exterior of cu a naturalisa. Recientemente a lansa tambe e seccion di articulo 3.
Tin instancianan manera hospital, Marina Hulandes, directivanan di scol ta test e portal. E idea ta pa haci e proceso mas eficiente y mas agradabel pa e clientenan. Na momento cu constanta cu e no tin niun problema mas, ta lansa esaki pa pueblo en general.