Pronostido di tempo ta indica cu diabierna anochi, shelo lo ta parcialmente nubla y generalmente seco.
Den marduga y diasabra, shelo lo ta parcialmente nubla cu localmente un awasero.
Un aviso pa boto chikito y lama bruto ta sigui na vigor.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:45 pm y lo sali mañan mainta 06:29 am.
Biento: swak te modera for di direccion oost- zuidoost;
Forsa 2 te 4 (7 te 23 km/ora, 4 te 12 nudo)
Situacion general di tempo:
Humedad den atmosfera regional ta suficiente pa de bes en cuando ocasiona mas nubia y localmente un awasero riba isla di Aruba cu posibilidad di lamper cu strena.
Condicion di lama:
Olanan di lama lo ta for di direccion noordoost cu haltura di 5 te localmente 7 pia.
Labaderanan for di oost- noordoost produci pa horcan Jose ta bay causa lama poco bruto den weekend specialmente na costa noord; E situacion aki lo extende te den prome dianan di e siman venidero.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Horcan Irma tabata situa 555 km zuidoost di Miami, Florida, moviendo west.
E horcan ta uno di categoria 4 awo pero keto bay e ta un horcan hopi fuerte y peligroso.
Horcan Jose ta un horcan fuerte di categoria 4 y tabata situa mas of menos 540 km oost- zuidoost di islanan ariba y ta moviendo west- noordwest. Jose ta menasando islanan ariba y segun e actual pronostico lo e pasa basta cerca di e islanan mas noord den curso di diasabra mainta tempran pa diadomingo.
Horcan Katia tabata situa oost-zuidoost di Tampico, Mexico y ta move west- southwest. Katia no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 33 / min 28 / 0.0
Hadicurari max 33 / min 27 / 0.0
Pronostico di tempo pa sobra di fin di siman:
Parcialmente nubla cu localmente un awasero.
Biento lo ta for di direccion oost te zuidoost y swak te modera.
Temperatura max / min lo ta: 34/28