Tempo: Awe tardi y awe nochi: parcialmente nubla cu chance pa un awacero den marduga y mayan: variablemente nubla cu algun awacero breve
temperatura maximo 32 grado celsius, temperatura minimo 27 grado celsius indice di calor (heat index) den y rond di oranan di merdia: 33 pa 45 grado celsius uv index: 12
bahada di solo : 6:26 pm, subida di solo : 6:29 am.
Biento: Zwak te modera for di direccionan entre oost-noordoost y zuidoost; forsa 2 te 4 (7 te 30 km/ora, 4 te 16 nudo) temporalmente biento por ta for di direccionan varia; forsa 1 ( 1 te 6 km/ora, 1 te 3 nudo)
situacion general di tempo pa proximo 24 ora: Un ola tropical lo trece mas humedad y instabilidad den atmosfera mientras e ta move den region bai west. Esaki por combina cu e calentamento den dia pa produci localmente algun awacero breve cu chance pa lamper
cu strena. localmente awacero por ta fuerte y causa algun molester.
condicionan maritimo/ estado di lama: Na partinan protehe di costa: keto, rond di 1 pia.
Na partinan zuid: trankil, entre 1 pa 2 pia. Na partinan oost te noordwest di costa: trankil te modera entre 2 pa 3 pia.
aviso/ alerta: Ta sugeri operadornan di boto pa no aventura den besindario di areanan di awacero y lamper cu strena ya cu lama por bira temporalmente bastante bruto einan.
fenomenonan special: ningun
tempo tropical significante: Tropical storm philippe ta situa na 180 km zuid di bermuda y ta move noord-noordoost cu 26 km/ora. e bientonan maximo ta di 85 km/ora. philippe a bira extratropical y nhc a saca e ultimo boletin di e sistema aki.
potencial di awacero pa proximo 24 ora: 3 te 10 mm; localmente esaki por ta diferente.
registracion di temperatura (grado celsius) y awacero (mm) den ultimo 24 ora (8’am pa 8’am):
airport : max 32 / min 25 / 7.0 mm
westpunt: max 32 / min 26 / 0.2 mm
sta rosa: max 32 / min 26 / 0.4 mm
pronostico di tempo pa proximo 3 dianan: Parcialmente nubla cu un awacero breve. Biento lo ta for di direccion oost te oost- zuidoost y modera; posiblemente basta fuerte den rafaga.
temperatura (grado celsius) max / min lo ta: 33 / 27