Tempo: Awe anochi: parcialmente te temporalmente hopi nubla cu un awacero breve den marduga y mayan: parcialmente te hopi nubla cu algun awacero breve
temperatura maximo 31 grado celsius, temperatura minimo 25 grado celsius indice di calor (heat index) den y rond di oranan di merdia: 32 pa 38 grado celsius uv index: 09
bahada di solo : 6:15 pm subida di solo : 6:32 am.
biento: zwak te modera for di direccionan entre noordwest te west; forsa 2 te 4 (7 te 23 km/ora, 4 te 12 nudo) temporalmente variable y zwak; forsa 1 to 2 (1 to 10 km/ora, 1 to 5 nudo).
situacion general di tempo pa proximo 24 ora: diferencianan di precion den region ta ketu bai
hopi chikito y ta pone cu biento tambe lo keda zwak te modera durante proximo dianan.
mas aleu por bisa cu un disturbio den diferente nivel di atmosfera ta dominando e tempo den region. Esaki lo combina cu un area di precion abou den parti zuidoost di caribe pa trece mas humedad y inestabilidad den area. de bez en cuando basta nubia lo bai pasa riba region local cualnan por produci principalmente den oranan di anochi laat pa marduga algun yobida cu por bai acompaña pa lamper cu strena.
condicionan maritimo/ estado di lama: na partinan proteje di costa: leve na partinan zuid: trankil te modera na partinan oost te noordwest di costa: modera
aviso/ alerta: ningun
fenomenonan special: ningun
tempo tropical significante: un area di precion abou a forma den parti zuidoost di caribe y tin un chance grandi di sigui desaroya y bira un cyclon tropical durante proximo 5 dia, mientras e ta move generalmente west-noordwest.
potencial di awacero pa proximo 24 ora: 3 te 7 mm; localmente esaki por varia.
registracion di temperatura (grado celsius) y awacero (mm) den ultimo 24 ora (8’am pa 8’am):
airport : max 30 / min 25 / 1.4 mm, westpunt: max 31 / min 25 / 0.7 mm, sta rosa: max 30 / min 25 / 1.5 mm
pronostico di tempo pa proximo 3 dianan: parcialmente nubla cu un awacero. Biento lo ta for di direccion for di west y zwak te modera; temperatura (grado celsius) max / min lo ta: 32 / 26