Atencion: un alerta pa biento duro y lama localmente bastante bruto ta na vigor
Pronostico di tempo pa diabierna anochi ta indica cu tempo lo ta parcialmente nubla y generalmente seco. Den marduga y diasabra: parcialmente nubla cu un localmente
un awasero breve.
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 06:53 pm y lo sali mañan mainta 06:24 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bez hopi duro den rafaga; forsa 6 te 8 (40 te 64 km/ora, 22 te 35 nudo).
Situacion general di tempo:
Humedad disponibel den nivelnan mas abou di atmosfera lo induci temporalmente hopi nubia den region local. Pa e motibo aki por spera localmente un awasero den proximo 24 ora. mas aleu stof fini den aire lo stroba visibilidad un poco den proximo dia.
Condicion di lama:
Olanan di lama lo ta for di direccion oost cu haltura di 5 te localmente 8 pia; e olanan di mas halto lo ta na costanan oost, noord te noordwest di e isla caminda nan por yega te 9 pia. Ta pidi usuarionan di lama y ocupantenan di boto chikito pa tene cuenta cu esaki y procede cu cautela riba lama habri.
Temperatura di superficie di lama: 26 grado Celsius.
Fenomenonan special: ningun
Potencial di awasero pa proximo 24 ora: 1 mm of menos;
Registracion di temperatura (Celsius) y awasero (mm) den ultimo 24 ora:
Airport max 32 / min 27 / 0.0
Pronostico di tempo pa sobra di fin di siman:
Levemente te parcialmente nubla i generalmente seco. Biento lo ta for di direccion oost y modera te basta fuerte; den dia fuerte te hopi duro den rafaga;
temperatura max / min lo ta: 32/27