Pronostico di tempo pa diabierna anochi ta indica cu shelo lo ta levemente te parcialmente nubla cu chens pa un awasero pasahero. Den marduga y diasabra: parcialmente nubla cu localmente un awasero.
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:46 pm y lo sali mañan mainta 07:01 am.
Biento: modera te basta fuerte for di direccion oost te oost-noordoost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora ainda tin suficiente humedad den nivelnan mas abou di atmosfera cu por pone cu temporalmente mas nubia lo pasa riba region local. Principalmente den oranan di marduga y mainta esaki lo produci localmente un awasero.
Condicion di lama:
Olanan di lama lo ta for di direccion oost- noordoost cu haltura di 6 te 9 pia; e olanan di mas halto lo ta na costa noord te noordwest di e isla. Ta pidi ocupantenan di boto chikito y
usuarionan di facilidadnan di lama pa tene esaki na cuenta y procede cu cautela riba lama grandi.
Temperatura di superficie di lama: 25 grado Celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora:
Airport max 30 / min 24 / 0.1
Sero blanco max 30 / min 25 / 0.5
Pronostico di tempo pa sobra di fin di siman:
Levemente te parcialmente nubla cu chens pa un awasero pasahero. Biento lo ta for di direccion generalmente oost y modera te basta fuerte; den dia fuerte te duro den rafaga;
temperatura max / min lo ta: 31/26