Pronostico di tempo valido te diasabra 15 di september 2018

0
RBC Juli 2018
Funmiles-2018

Pronostico di tempo pa awe anochi: levemente te parcialmente nubla y generalmente seco. Den marduga y mañan: parcialmente nubla cu chens pa localmente un awasero.

Un aviso pa boto chikito ta na vigor te diamars 6 pm

Temperatura:

Temperatura maximo 35 grado Celsius y temperatura minimo 28 grado Celsius.

Bahada y subida di solo:

Solo lo baha awe nochi 06:41 pm y lo sali mañan mainta 06:29 am.

Biento:

Modera for di direccion generalmente oost; forsa 1 te 3 (6 te 19 km/ora, 3 te 10 nudo). Temporalmente variabel; forsa 1 (1 te 6 km/ ora, 1 te 3 nudo)

Situacion general di tempo:

Den proximo 24 ora atmosfera regional lo ta humedo y instabil. Esaki lo pone cu temporalmente mas nubia lo por forma for di cual por cay algun awasero. No por exclui e posibilidad di lamper cu strena

Condicion di lama:

Olanan di lama lo ta for di direccion oost cu haltura di 2 te localmente 3 pia. Den curso di weekend esaki lo bira di 3 te 6 pia, cu e olanan di mas halto na costanan oost, noordoost te noordwest di e isla. labaderanan produci pa Isaac a cuminsa drenta awanan di region y por causa lama localmente bastante bruto durante weekend. Un aviso pa boto chikito ta na vigor pa e motibo aki.

Tempo tropical significante: Tormenta tropical Florence tabata moviendo west riba tera cerca di Myrtle Beach, South Carolina. Florence no ta un menasa pa area di Caribe.

-Tormenta tropical Helene tabata moviendo noord, west- zuidwest di Azoren. Helene no ta un menasa pa area di Caribe.

-Isaac a bolbe bira un tormenta tropical; Isaac tabata situa na 15.3 noord y 68.2 west cu ta 400 km zuid- zuidoost di Sto. Domingo. Isaac ta move west cu 22 km/hr y  ta pasando den area di Caribe bayendo west. Manera e pronosticonan  ta indica, isaac lo pasa na un distancia basta safe di Aruba (275- 350 km) den curso di diabierna anochi laat of marduga di diasabra. Departmento Meteorologico di Aruba lo sigui e desaroyonan rondo di Isaac cu hopi atencion.

-Tormenta tropical Joyce tabata move zuidoost riba awanan di Atlantico noord, west- zuidwest di Azoren y no ta un menasa pa area di Caribe.

Fenomenonan special: ningun

Potencial di awasero pa proximo 24 ora: 3 te cu 15 mm; localmente por varia

Registracion di temperatura (Celsius) y awasero (mm) den ultimo 24 ora:
Airport max 33/ min 27 / 0.0

Pronostico di tempo pa proximo tres (3) dianan:

Parcialmente nubla cu localmente algun awasero; chens pa lamper cu strena.Biento lo ta zwak te modera for di direccion noordoost te zuidoost; den dia of awasero posiblemente basta fuerte den rafaga; temperatura max / min lo ta: 34/27

 

 

 

 

Comments

comments

C: Heineken
new india