ATENCION: Un alerta pa biento duro y lama localmente bruto lo drenta na vigor 6 am diasabra…
Pronostico di tempo pa diasabra anochi ta indica cu tempo lo levemente te parcialmente nubla y generalmente seco. Den marduga y diasabra: levemente te parcialmente nubla sin awasero di importancia
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 06:52 pm y lo sali mañan mainta 06:28 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, tin bez hopi duro den rafaga; forsa 6 te 8 (40 te 64 km/ora, 22 te 35 nudo).
Situacion general di tempo:
No ta bay tini cambionan significante den e tipo di weer cu tin actualmente. No ta spera awasero di importancia den proximo 24 ora y un tempo generalmente seco lo domina. Mas aleu, biento lo bay supla un poco mas fuerte durante e weekend aki. Pa e motibo aki un alerta pa biento fuerte y lama localmente bruto lo drenta na vigor diasabra mainta 6’or.
Condicion di lama:
Olanan di lama lo ta for di direccion oost cu haltura di 5 te localmente 8 pia; durante e weekend aki lama lo bira localmente bruto cu olanan di 6 te 10 pia. E olanan di mas halto lo ta na costanan oost, noord te noordwest di e isla. Ta pidi usuarionan di lama y ocupantenan di boto chikito pa tene cuenta cu esaki y procede cu cautela riba lama habri.
Temperatura di superficie di lama: 26 grado Celsius.
Fenomenonan special: ningun
Potencial di awasero pa proximo 24 ora: menos cu 1 mm;
Registracion di temperatura (Celsius) y awasero (mm) den ultimo 24 ora:
Airport max 32 / min 26 / 0.0
Pronostico di tempo pa sobra di fin di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte; den dia fuerte te hopi duro den rafaga;
temperatura max / min lo ta: 32/26