Pronostico di tempo valido te diasabra 10 di Maart 2018

0
RBC Juli 2018
Funmiles-2018

Atencion: un aviso pa boto chikito y biento duro ta na vigor…
Un aviso pa olanan halto ta na vigor…

Pronostico di tempo pa diabierna anochi lo ta levemente te parcialmente nubla y generalmente seco. Den marduga y diasabra: parcialmente nubla cu chens pa localmente un awasero pasahero.

Temperatura maximo 32 grado Celsius y temperatura minimo 26 grado Celsius.

Solo lo baha awe nochi 06:50 pm y lo sali maƱan mainta 06:50 am.

Biento: modera te basta fuerte for di direccion oost te oost- noordoost;
forsa 4 te 5 (20 te 39 km/ora, 11 te 21 nudo). Den dia fuerte te duro, tin bez hopi duro den rafaga;forsa 6 te 8 (40 te 74 km/ora, 22 te 40 nudo)

Situacion general di tempo:
den proximo 24 ora no ta spera mucho cambio den e tipo di weer cu tin actualmente. Temporalmente lo bay pasa mas nubia riba nos region cu principalmente den oranan di marduga y mainta trempan chens pa localmente un awasero pasahero. E diferencianan di presion di
aire den area di Caribe ta sigui grandi y pa e motibo aki biento tambe lo sigui supla duro durante proximo dianan. Mas aleu por bisa cu stof fini suspende den aire lo limita visibilidad un
poco e dianan aki.

Condicion di lama:
Olanan di lama lo ta for di direccion oost- noordoost cu haltura di 6 te localmente 9 pia; e olanan di mas halto lo ta na costanan oost, noord te noordwest di e isla. Labaderanan cu ta bini di noordoost ta bahando, pero ta haciendo lama keto bay bruto na cierto localidadnan
di nos costa. Un aviso pa olanan halto ta na vigor. Un aviso pa boto chikito y biento duro ta na vigor. Ocupantenan di boto chikito y usuarionan di lama mester tene esaki na cuenta y procede cu cautela.

Temperatura di superficie di lama: 25 grado Celsius.

Fenomenonan special: ningun

Potencial di awasero pa proximo 24 ora: 1 mm of menos

Registracion di temperatura (Celsius) y awasero (mm) den ultimo 24 ora:

Airport max 31 / min 26 / 0.0

Pronostico di tempo pa resto di fin di siman:
Levemente te parcialmente nubla cu chens riba un awasero breve. Biento lo ta for di direccion oost te oost-noordoost y modera te basta fuerte; den dia fuerte te duro, tin bez hopi duro den rafaga; temperatura max / min lo ta: 32/25

Comments

comments

C: Heineken
new india