Pronostico di tempo ta indica cu diabierna anochi, shelo lo ta parcialmente nubla cu posibilidad di un awasero breve.
Diasabra, shelo lo ta parcialmente nubla cu chens pa localmente un awasero den oranan di marduga y mainta.
Temperatura maximo 33 grado Celsius y temperatura minimo 28 grado Celsius.
Solo a baha awe nochi 06:26 pm y lo sali mañan mainta 06:30 am.
Biento:
For di generalmente direccion oost te oost-zuidoost y modera; forsa 3 te 4 ( 12 te 30 km/ora, 7 te 16 nudo).
Den dia posiblemente de bes en cuando basta fuerte den rafaga forsa 5 (31 te 39 km/ora, 17 te 21 nudo)
Situacion general di tempo:
Den proximo 24 ora un ola tropical cu ta moviendo den nos region bayendo west, lo trece mas humedad. Esaki lo pone nubianan aumenta temporalmente for di cual por spera un awasero riba isla di Aruba cu posibilidad di strena cu lamper.
Condicion di lama:
Olanan di lama lo ta for di direccion oost- zuidoost cu haltura di 3 te 4 pia.
Temperatura di superficie di lama 29 grado Celsius.
Fenomenonan special: ningun
Tempo tropical: Horcan fuerte Matthew, tabata situa awe tardi na zuidoost di Jacksonville, Florida y ta moviendo den direccion noord- noordwest; e sistema aki no ta un peliger pa nos region local.
– Nicole un biaha mas un tormenta tropical tabata situa na mas of menos 535 km zuid di Bermuda y ta na e momentonan aki stacionario. E sistema aki no ta un peliger pa nos region.
Registracion di temperatura (Celsius) y awasero (mm) den ultimo 24 ora:
Airport: max 33 / min 27 / 1.0
Hadicurari: max 30 / min 27 / 0.0
Pronostico di tempo pa fin di siman:
Parcialmente nubla cu chens pa localmente un awasero;
Biento lo ta for di oost- zuidoost y lo ta generalmente modera;
Temperatura max/ min lo ta: 33/28