Pronostico di tempo valido te diasabra 03 di September 2016

Pronostico di tempo ta indica cu diabierna anochi, shelo lo ta levemente te parcialmente nubla cu chens pa localmente un awasero.
Diasabra shelo lo ta parcialmente nubla cu den oranan di marduga y mainta tempran chens pa algun awasero local.

Temperatura maximo 34 grado Celsius y temperatura minimo 28 grado Celsius.

Solo lo baha awe nochi 06:50 pm y lo sali mañan mainta 06:29 am.

Biento:
For di direccionnan entre oost y zuidoost modera te basta fuerte; forsa 3 te 5 (12 te 30 km/ora, 7 te 21 nudo).
Den dia fuerte te posiblemente duro den rafaga; forsa 6 te 7 (31 te 61 km/ora, 22 te 33 nudo);

Situacion general di tempo:
Den proximo 24 ora, un disturbio den partinan mas abou di atmosfera lo percura pa aire
humedo y instabil den atmosfera regional. Esaki lo pone nubianan desaroya temporalmente y for di esakinan por cay algo di awasero riba isla di Aruba.
No por exclui posibilidad di strena cu lamper.

Condicion di lama:
Olanan di lama lo ta for di direccion oost cu haltura di 4 te localmente 7 pia.

Temperatura di superficie di lama 28 grado Celsius.

Fenomenonan special: ningun

Tempo tropical: Gaston ta moviendo oost-noordoost riba awanan di Atlantico oost, west di Lajes, islanan Azores y no ta un menasa pa area di Caribe.
– Hermine a subi tera na Florida y a debilita. Hermine cu ta un tormenta tropical awo ta moviendo den direccion noordoost, na west-zuidwest di Charleston, South Carolina y no ta forma peliger pa area di Caribe.

Registracion di temperatura (Celsius) y awasero (mm) den ultimo 24 ora :
Airport max 34 / min 28 / 0.0
Hadicurari max 31 / min 27 / 0.0

Pronostico di tempo pa fin di siman:
Parcialmente nubla cu un awasero breve;
Biento lo ta for di generalmente oost y lo ta modera te basta fuerte, de bes en cuando fuerte te posiblemente duro den rafaga.
Temperatura max/ min lo ta: 34/28

Comments

comments