Pronostico di tempo ta indica cu diamars anochi, shelo lo ta levemente te parcialmente nubla cu posibilidad di un awasero breve den marduga y diaranson, shelo lo ta parcialmente te hopi nubla cu un awasero local.
Temperatura maximo 32 grado Celsius y temperatura minimo 27 grado Celsius.
Solo lo baha awe nochi 07:09 pm y lo sali mañan mainta 06:19 am.
Biento:
For di direccion generalmente oost y modera te basta fuerte; forsa 4 te 5 ( 20 te 39 km/ora, 11 te 21 nudo)
Durante di dia fuerte te duro den rafaga; forsa 6 te 7 (40 te 50 km/ora, 22 te 33 nudo)
Situacion general di tempo:
Un ola tropical lo cruza den region local durante di proximo 24 ora.
Aunke mayoria di tempo lo keda noord di region local, e humedad cu e sistema aki lo trece den +atmosfera regional lo pone cu temporalmente mas nubia lo forma y produci un awasero riba isla di Aruba. Tambe tin un posibilidad chikito di strena cu lamper.
Condicion di lama:
Olanan di lama lo ta for di direccion oost cu haltura di 5 te localmente 7 pia.
E olanan di mas halto ta na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical
Un area di presion abou situa na distancia di 1300 km west- zuidwest di islanan Azores tin un chens grandi di sigui desaroya y bira un ciclon tropical den proximo 48 ora segun e ta move den direccion west te west-noordwest riba Atlantico.
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 31 / min 27 / -.-
Pronostico di tempo pa proximo dianan di siman:
Parcialmente nubla cu un awasero local
Biento lo ta for di generalmente oost y modera te basta fuerte,
de bes en cuando fuerte te posiblemente duro den rafaga;
Temperatura max / min lo ta: 33/28