Pronostico di tempo ta indica cu diamars anochi shelo lo ta levemente te parcialmente nubla y generalmente seco. Den marduga y diaranson: levemente te parcialmente nubla y no ta spera awasero di importancia.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 07:01 pm y lo sali mañan mainta 06:13 am.
Biento: modera te basta fuerte for di direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora e aire transporta pa region local lo ta relativamente seco y esaki ta pone cu no ta spera awasero di importancia. Diferencianan di presion den area di Caribe a baha poco y esaki ta pone cu biento tambe ta suplando menos duro cu dianan anterior. E alerta pa biento duro a wordo cancela. Mas aleu por bisa cu stof fini den aire lo stroba visibilidad un poco den proximo dia of dos.
Condicion di lama:
Olanan di lama lo ta for di direccion oost cu haltura di 4 te localmente 7 pia; e olanan di mas halto lo ta na costanan oost, noordoost te noordwest di e isla. Ta suplica operadornan di boto chikito pa tene esaki na cuenta.
Temperatura di superficie di lama: 26 grado Celsius.
Fenomenonan special: ningun
Tempo tropical significante: Alberto, awor un depresion, a subi tera den curso di ayera nochi y tabata moviendo riba estado di Alabama, USA. E sistema aki lo no wordu nombra mas den boletin di tempo.
Potencial di awasero pa proximo 24 ora: 1 mm of menos;
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Pronostico di tempo pa proximo dianan di siman:
Parcialmente nubla y generalmente seco. Biento lo ta for di direccion oost y modera te basta fuerte; den dia fuerte te duro den rafaga; temperatura max / min lo ta: 33/27