Pronostico di tempo ta indica cu diamars anochi, shelo lo ta levemente te parcialmente nubla y generalmente seco.
Den marduga y diaranson, shelo lo ta parcialmente nubla sin awasero di importancia.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:33 pm y lo sali mañan mainta 06:29 am.
Biento: modera te basta fuerte for di direccionan entre oost y oost-zuidoost;
Forsa 4 te 5 (20 te 39 km/ora, 11 te 21 nudo)
Den dia fuerte te posiblemente duro den rafaga;
Forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora lo no bay tin mucho cambio den e tempo cu tin actualmente.
Pa e motibo aki no ta spera awasero di importancia riba isla di Aruba. Mas aleu por bisa cu stof fin suspendi den aire procedente di Sahara lo stroba visibilidad un poco durante proximo dianan.
Condicion di lama:
Olanan di lama lo ta for di direccion oost cu haltura di 5 te 7 pia cu na parti noord e olanan di mas halto, caminda nan por yega te 8 pia.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Tormenta tropical Maria tabata situa oost- zuidoost di Cape Hatteras, North Carolina y ta moviendo noord. Maria no ta un menasa pa region local.
Horcan Lee tabata situa riba awanan di Oceano Atlantico oost- zuidoost di Bermuda, moviendo west y ta solamente un molester pa nabegacion maritimo.
Registracion di temperatura (Celsius) y awasero (mm) den ultimo 24 ora:
Airport max 35 / min 29 / 0.0
Hadicurari max 34 / min 28 / 0.0
Pronostico di tempo pa proximo dianan di siman:
Parcialmente nubla sin awasero di importancia.
Biento lo ta for di direccion oost- zuidoost y modera te basta fuerte;
Temperatura max / min lo ta: 34/28