Pronostico di tempo, compila diamars 20 di Juni 2017 ta indica cu e tempo diamars anochi lo ta parcialmente nubla cu un awasero local. Den marduga y diaranson, tempo lo ta parcialmente te temporalmente hopi nubla cu localmente algun awasero cu por bai compaña pa strena cu lamper.
Temperatura maximo 32 grado Celsius y temperatura minimo 24 grado celsius.
Solo lo baha awe nochi 07:07 pm y lo sali mañan mainta 06:16 am.
Biento lo ta for di direccion oost noordoost te oost zuidoost y modera te basta fuerte; forsa 3 te 5 ( 12 te 39 km/ora, 7 te 21 nudo). Durante di dia of awacero, fuerte te duro den rafaga;
forsa 6 te 7 (40 te 61 km/ora, 22 te 33 nudo). De bez en cuando rafaganan por yega te 40 nudo, 74 km/ora.
Situacion general di tempo:
Den proximo 24 ora lo bai tin abundante nubosidad debi na restonan di Bret cu awor ta un ola tropical. Por spera algun awasero cu por bai compaña pa strena cu lamper, specialmente den oranan di marduga pa mainta.
Condicion di lama:
Olanan di lama lo ta for di direccion oost cu haltura di 5 te localmente 10 pia. E olanan di mas haltu ta na costa noord te noordwest di nos isla. Ta suplica ocupantenan di boto chikito pa ketu bai procede cu cautela ya cu lama por bira localmente bruto especialmente den awasero.
Temperatura di superficie di lama: 27 grado celsius.
Fenomenonan special: ningun
Sistemanan significante di weer tropical: tormenta tropical “Bret” a caba na nada den curso di awe merdia riba awanan di mar caribe y lo no wordu menciona mas den boletinan di tempo.
Un area di presion abou situa den Golfo di Mexico a sigui desaroya y bira tormenta tropical Cindy. Cindy tabata situa na zuidoost di Galveston, Texas y no ta di importancia pa nos region.
Registracion di temperatura (celsius) y awasero (mm) den ultimo 24 ora:
Airport max 32 / min 27 / 0.0
Hadicurari max 31 / min 27 / 0.0
Pronostico di tempo pa proximo dianan di siman:
Parcialmente te hopi nubla cu algun awasero y posibilidad di strena cu lamper. Biento lo ta for di generalmente oost y modera te basta fuerte, de bes en cuando fuerte te posiblemente duro den rafaga; temperatura max / min lo ta: 33/28