Pronostico di tempo ta indica cu diamars anochi, shelo lo ta levemente te parcialmente nubla cu un awasero pasahero den marduga y diaranson, shelo lo ta parcialmente nubla cu algun awasero pasahero.
Temperatura maximo 30 grado Celsius y temperatura minimo 25 grado Celsius.
Solo lo baha awe nochi 06:20 pm y lo sali mañan mainta 06:57 am.
Biento:
For di direccion generalmente oost y modera te basta fuerte; forsa 3 te 5 (12 te 39 km/ora, 7 te 21 nudo).
Den dia of durante di awasero fuerte te posiblemente duro den rafaga; forsa 6 te 7(40 te 61 km/ora, 22 te 33 nudo)
Situacion general di tempo:
Den proximo 24 ora humedad den atmosfera lo ta suficiente y esaki lo pone temporalmente mas nubia pasa den nos region. pa e motibo aki por spera algun awasero, den nan mayoria pasahero, riba isla di Aruba. Debi cu suela ta satura esaki por causa molester na e lugarnan di custumber.
Condicion di lama:
Olanan di lama lo ta for di direccion oost cu haltura di 5 te localmente 8 pia.
Alerta: Ta pidi ocupantenan di boto chikito pa procede cu cautela riba lama grandi, specialmente na nort ya cu e combinacion di biento duro y labaderanan modera for di noordoost te oost ta invadi nos awanan regional y pone cu localmente lama por ta bruto cu olanan di te cu 8 pia…
Temperatura di superficie di lama 28 grado Celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora :
Airport max 30 / min 25 / 2.8
Hadicurari max 28 / min 24 / 10.6
Pronostico di tempo pa proximo dianan di siman:
Levemente te parcialmente nubla cu algun awasero pasahero;
Biento lo ta for di generalmente oost y modera te fuerte, posiblemente de bes en cuando duro den rafaga;
Temperatura max/ min lo ta: 30/25