Pronostico di tempo ta indica cu diamars anochi, shelo lo ta parsialmente nubla y seco.
Diaranson, shelo lo ta parcialmente nubla cu chens pa localmente un awasero breve
principalmente den oranan di marduga y mainta.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 06:23 pm y lo sali mañan mainta 06:30 am.
Biento:
For di direccion oost-noordoost te oost-zuidoost y modera; forsa 3 te 4 (12 te 30 km/ora, 7 te 16 nudo)
Situacion general di tempo:
Den proximo 24 ora humedad den atmosfera regional combina cu un disturbio na nivelnan mas halto di atmosfera lo pone mas nubia forma temporalmente for di cual por spera algo di awasero riba isla di Aruba.
Condicion di lama:
Olanan di lama lo ta for di direccion oost-zuidoost cu haltura di 3 te 5 pia.
Temperatura di superficie di lama 29 grado Celsius.
Fenomenonan special: ningun
Tempo tropical:
Horcan Nicole tabata situa na mas of menos 565 km zuid-zuidwest di Bermuda y tabata moviendo noordwest. E sistema aki no ta un peliger pa nos region.
Registracion di temperatura (Celsius) y awasero (mm) den ultimo 24 ora:
Airport: max 33 / min 28 / 0.0
Hadicurari: max 31 / min 28 / 0.0
Pronostico di tempo pa proximo dianan di siman:
Parcialmente nubla cu chens pa localmente algun awasero;
Biento lo ta for di oost-zuidoost y lo ta generalmente modera;
Temperatura max/ min lo ta: 33/28