Tempo: Awe tardi y awe nochi: parcialmente nubla cu un awacero pasahero den marduga y mayan: parcialmente nubla cu un awacero localmente
temperatura maximo 33 grado celsius, temperatura minimo 28 grado celsius indice di calor (heat index) den y rond di oranan di merdia: 34 pa 40 grado celsius uv index: 12
bahada di solo : 7:05 pm, subida di solo : 6:14 am
Biento: Modera te basta fuerte for di direccion generalmente oost; forsa 4 te 5 (20 te 39 km/ora, 11 te 21 nudo). Durante di dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
situacion general di tempo pa proximo 24 ora: Un ola tropical ta moviendo den parti oost di caribe y lo pasa den region bai west durante awe nochi pa mayan diaranson. Esaki lo induci localmente algun awacero breve cu tambe un chance chikito pa lamper cu strena.
mas aleu por bisa cu stof di sahara den concentracionan varia lo stroba visibilidad
un poco y produci aire di calidad abou. Personanan cu tin problemanan respiratorio
mester tene esaki na cuenta.
condicionan maritimo/ estado di lama: Na partinan protehe di costa: keto, rond di 1 pia.
Na partinan zuid: trankil te modera, entre 2 pa 3 pia, na partinan oost te noordwest di costa:
modera te localmente poco bruto cu olanan alrededor di 6 pa 7, localmente 8 pia.
aviso/ alerta: Un aviso pa boto chikito pa partinan oost te noordwest di costa ta na vigor.
fenomenonan special: ningun
tempo tropical significante: ningun.
potencial di awacero pa proximo 24 ora: 1 te 3 mm; localmente esaki por varia
registracion di temperatura (grado celsius) y awacero (mm) den ultimo 24 ora (8’am pa 8’am):
airport : max 33 / min 28 / 0.0 mm
westpunt: max 33 / min 27 / 0.1 mm
sta rosa: max 33 / min 28 / 0.0 mm
pronostico di tempo pa proximo 3 dianan: Parcialmente nubla cu localmente un awacero. Biento lo ta modera te basta fuerte; fuerte te duro den rafaga for di direccion generalmente oost.
temperatura (grado celsius) max / min lo ta: 34 / 28