Atencion: Un alerta pa biento duro y lama localmente bastante bruto ta na vigor…
Pronostico di tempo pa awe anochi: parcialmente nubla y generalmente seco. Den marduga y mañan: levemente te parcialmente nubla cu localmente un awasero pasahero.
Temperatura:
Maximo 32 grado celsius y temperatura minimo 26 grado celsius.
Bahada y subida di solo
Solo lo baha awe nochi 07:04 pm y lo sali mañan mainta 06:27 am.
Biento:
Modera te fuerte for di direccion generalmente oost; forsa 4 te 6 (20 te 50 km/ora, 11 te 27 nudo). Den dia duro, posiblemente hopi duro den rafaga; forsa 7 te 8 (51 te 64 km/ora, 28 te 35 nudo)
Situacion general di tempo:
No ta premira mucho cambio den e tipo di tempo cu tin actualmente durante proximo 24 ora. Temporalmente lo pasa mas nubia den nos region y produci un awasero pasahero. Mas aleu, diferencianan di presion di aire den area di Caribe ta grandi, produciendo un biento fuerte den region. Di otro un banda, un area di stof fini suspende den aire lo mengua visibilidad un poco durante proximo dianan.
Condicion di lama:
Olanan di lama lo ta for di direccion oost cu haltura di 5 te localmente 9 pia cu e olanan di mas halto na costanan oost, noordoost te noordwest di e isla. Ta pidi usuarionan di lama pa tene cuenta cu esaki y procede cu cautela riba lama habri.
Fenomenonan special: ningun
Tempo tropical significante: un sistema di presion abou, situa na un distancia grandi west di Azoren a desaroya rapidamente y bira tormenta sub- tropical Debby. Debby tabata moviendo den direccion noord y no ta forma peliger pa region di Caribe.
Potencial di awacero pa proximo 24 ora: 1 mm; localmente por varia
Registracion di temperatura (celsius) y awacero (mm) den ultimo 24 ora:
Airport max 32 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero pasahero. Biento lo ta for di generalmente direccion oost y modera te fuerte; den dia duro, posiblemente tin
bez hopi duro den rafaga; temperatura max / min lo ta: 33/27