Atencion: un aviso pa boto chikito ta sigui ta na vigor te proximo aviso. .
un aviso pa olanan halto lo drenta na vigor mayan mainta 6 am…
Pronostico di tempo pa dialuna anochi: levemente te parcialmente nubla y generalmente seco. Den marduga y diamars: parcialmente nubla cu chens pa localmente un awasero pasahero
Temperatura maximo 32 grado Celsius y temperatura minimo 24 grado Celsius.
Solo lo baha awe nochi 06:49 pm y lo sali mayan mainta 06:52 am.
Biento: zwak te modera for di direccion noordoost te oost- noordoost; forsa 2 te 4 (7 te 23 km/ora, 4 te 12 nudo). Temporalmente zwak y variabel; forsa 1 (1 te 6 km/ora, 1 te 3 nudo)
Situacion general di tempo:
Den proximo 24 ora un weer generalmente seco lo keda prevalece cu solamente den oranan di marduga y mainta trempan tin posibilidad pa un awasero pasahero. Diferencianan chikito den presion di aire den Caribe ta pone cu biento ta suplando zwak. Den e dos mitar di siman biento lo bay lanta bek.
Condicion di lama:
Olanan di lama lo ta for di direccion oost- noordoost cu haltura di 5 te 8 pia; e olanan di mas halto lo ta na costanan oost, noord te noordwest di e isla. Den proximo dianan lama por bira mas bruto debi na labaderanan cu ta bini for di noord- noordoost. Debi na esaki un aviso pa olanan halto lo drenta na vigor mayan mainta 6’or. Un aviso pa boto chikito lo sigui ta na vigor. Ta pidi ocupantenan di boto chikito y usuarionan di lama pa tene esaki na cuenta.
Temperatura di superficie di lama: 25 grado celsius.
Fenomenonan special: ningun
Potencial di awasero pa proximo 24 ora: menos cu 1 mm
Registracion di temperatura (Celsius) y awasero (mm) den ultimo 24 ora:
Airport max 30 / min 22 / 0.0
Pronostico di tempo pa proximo dianan di siman:
Levemente te parcialmente nubla y generalmente seco. Biento lo ta for di direccion oost-noordoost y modera; den dia basta fuerte den rafaga;
temperatura max / min lo ta: 32/24