Pronostico di tempo ta indica cu dialuna anochi, shelo lo ta parcialmente nubla cu chens pa un awasero breve.
Den marduga y diamars, shelo lo ta parcialmente nubla cu localmente un awasero breve.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:53 pm y lo sali mañan mainta 06:29 am.
Biento: modera for di direccionan entre oost – noordoost y oost- zuidoost;
Forsa 3 te 4 (12 te 30 km/ora, 7 te 16 nudo)
Durante di dia basta fuerte te posiblemente fuerte den rafaga;
Forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora, humedad disponibel den nivelnan mas abou di atmosfera regional lo produci temporalmente mas nubia den region local. Por spera principalmente den oranan di marduga y mainta un awasero cu un posibilidad di strena cu lamper.
Condicion di lama:
Olanan di lama lo ta for di direccion oost cu haltura di 3 te localmente 5 pia na costa noord te noordwest.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical: “Harvey” ta moviendo poco poco cerca di Port O’connor, costa di Texas, causando hopi awadero cu inundacion.
Potential tropical cyclone 10 ta moviendo noord-noordoost banda di costa di North Carolina. E sistema aki tin un chens grandi pa den proximo oranan bira un ciclon tropical.
Ningun di e 2 sistemanan aki ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 33 / min 28 / 0.0
Hadicurari max 33 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero.
Biento lo ta for di direccion generalmente oost y modera te basta fuerte, den dia de bes en cuando fuerte den rafaga;
Temperatura max / min lo ta: 34/28