Pronostico di tempo ta indica cu dialuna anochi, shelo lo ta levemente te parcialmente nubla y generalmente seco.
Diamars, shelo lo ta parcialmente te temporalmente hopi nubla cu den oranan di marduga y mainta tempran chens pa un awasero local.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:38 pm y lo sali mañan mainta 06:29 am.
Biento:
For di generalmente direccion oost y modera te basta fuerte; forsa 3 te 5 (12 te 39 km/ora, 7 te 21 nudo).
Den dia posiblemente fuerte den rafaga; forsa 6 (40 te 50 km/ora, 22 te 27 nudo);
Situacion general di tempo:
Un ola tropical situa den parti central- oost di area di Caribe ta moviendo den direccion west. Den proximo 24 ora e sistema aki lo sigui move den area di Caribe y lo percura pa aire relativamente humedo y instabiel den region local. Pa e motibo aki por spera formacion di nubianan cu por produci algun awasero riba isla di Aruba.
Condicion di lama:
Olanan di lama lo ta for di direccion oost cu haltura di 3 te localmente 6 pia.
Temperatura di superficie di lama 29 grado Celsius.
Fenomenonan special: ningun
Tempo tropical:
– Julia a caba na nada y lo no wordo menciona mas den boletin di tempo.
– Tormenta tropical Karl tabata move den direccion west riba awanan habri di Atlantico oost y ta solamente un molester pa nabegacion maritimo.
– Un ola tropical bon desaroya, situa zuidwest di islanan Cabo Verde a sigui intensifica y a bira depresion tropical nr. 13. E sistema aki ta move den direccion west y ta solamente un molester pa nabegacion maritimo.
Registracion di temperatura (Celsius) y awasero (mm) den ultimo 24 ora:
Airport max 34 / min 29 / 0.0
Hadicurari max 31 / min 28 / 0.0
Pronostico di tempo pa proximo dianan di siman:
Parcialmente nubla cu chens pa algun awasero;
Biento lo ta generalmente for di oost y lo ta modera te basta fuerte, posiblemente fuerte den rafaga.
Temperatura max/ min lo ta: 34/28