Pronostico di tempo ta indica cu dialuna anochi, shelo lo ta parcialmente nubla cu un awasero local den marduga y diamars, shelo lo ta parcialmente nubla cu localmente un awasero
Alerta: Un tropical storm watch ta na vigor pa Aruba.
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 07:07 pm y lo sali mañan mainta 06:15 am.
Biento:
Modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo).
Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora un ola tropical lo pasa den nos region y esaki lo pone cu de bes en cuando mas nubia lo pasa den nos area. Pa e motibo aki por spera principalmente den oranan di marduga y mainta algo di awasero riba isla di Aruba cu chens pa strena cu lamper.
Condicion di lama:
Olanan di lama lo ta for di direccion oost cu haltura di 5 te localmente 8 pia e olanan di mas halto ta na costa noordwest di nos isla. Ta suplica ocupantenan di boto chikito pa tene cuenta cu lama ta bay bira bruto en relacion cu pasahe di un sistema tropical. Servicio meteorologico di Aruba ta emitiendo boletinan di informacion tocante e sistema tropical aki for di diasabra.
Temperatura di superficie di lama: 27 grado Celsius.
Fenomenonan special: ningun
Sistemanan significante di tempo tropical: Un area di presion abou situa na 200 kilometer oost- zuidoost di Trinidad a desaroya y bira tormenta tropical “Bret” den curso di awe tardi. E sistema ta moviendo den direccion west- noordwest cu 48 km/ora cu bientonan sostene di 35 nudo. Departamento meteorologico di Aruba lo sigui e desaroyonan di e sistema aki hopi di acerca.
Un area di presion abou situa den parti noordwest di Caribe tin un chens grandi pa sigui desaroya y bira un ciclon tropical den proximo 2 dia, na momento cu e move slow den direccion noord te noordwest banda di peninsula di Yucatan y Golfo di Mexico.
Servicio meteorologico di Aruba lo sigui desaroyo di e sistemanan aki cu hopi atencion.
Registracion di temperatura (Celsius) y awasero (mm) den ultimo 24 ora:
Airport max 32 / min 27 / 0.0
Hadicurari max 31 / min 27 / 0.0
Pronostico di tempo pa proximo dianan di siman:
Parcialmente te hopi nubla cu algun awasero y posibilidad di strena cu lamper biento lo ta for di generalmente oost y modera te basta fuerte, de bes en cuando fuerte te posiblemente duro den rafaga;
Temperatura max / min lo ta: 33/28
Tropical storm watch:
Un aviso pa bientonan sostene di 34 te 63 nudo (39 to 73 mph or 63 to 118 km/hr) ta posibel
den un area specifico den 48 hora asocia cu un ciclon tropical, ciclon subtropical, of ciclon post-tropical.