Atencion: Un alerta pa biento duro i lama localmente bruto ta na vigor te proximo aviso…
Pronostico di tempo pa dialuna anochi ta indica cu shelo lo ta levemente te parcialmente nubla y generalmente seco. Den marduga y diamars: parcialmente nubla cu chens pa un awasero pasahero.
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 06:57 pm y lo sali mañan mainta 06:15 am.
Biento: modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro, posiblemente tin bes hopi duro den rafaga;
forsa 6 te 8 (40 te 64 km/ora, 22 te 35 nudo)
Situacion general di tempo:
Durante proximo 24 ora humedad den nivelnan mas abou di atmosfera lo pone cu temporalmente mas nubia lo pasa riba e isla. Principalmente durante di oranan di marduga y mainta esaki lo pone cu localmente un awasero por desaroya. Diferencianan di presion di aire den area di Caribe ta sigui ta grandi y esaki ta pone cu un biento fuerte lo sigui supla.
Condicion di lama:
Olanan di lama lo ta for di direccion oost cu haltura di 5 te localmente 8 pia; e olanan di mas halto lo ta na costanan oost, noordoost te noordwest di e isla. Operadornan di boto chikito ta wordu suplica pa tene esaki na cuenta.
Temperatura di superficie di lama: 26 grado Celsius.
Fenomenonan special: ayera nochi pa ta exacto, 6.41 pm, a sosode un temblor menor
cu a wordo sinti na diferente parti di Aruba. E epicentro tabata na un distancia di 14 km zuidoost di Aruba na un profundidad di 17.1 km cu un magnitud di 3.1 (mm).
Potencial di awasero pa proximo 24 ora: 1 mm of menos;
Registracion di temperatura (Celsius) y awasero (mm) den ultimo 24 ora:
Airport max 32 / min 27 / 0.0
Pronostico di tempo pa proximo dianan di siman:
Parcialmente nubla, levemente stofferig y generalmente seco. Biento lo ta for di direccion oost y modera te basta fuerte; den dia fuerte te duro, posiblemente tin bez hopi duro den rafaga;
temperatura max / min lo ta: 32/27