Un alerta pa boto chikito, biento duro y lama bruto ta na vigor te proximo aviso…
Pronostico di tempo pa dialuna anochi: levemente te parcialmente nubla y generalmente seco. Den marduga y diamars: parcialmente nubla cu localmente un awasero pasahero.
Temperatura maximo 31 grado Celsius y temperatura minimo 25 grado Celsius.
Solo lo baha awe nochi 06:45 pm y lo sali mañan mainta 07:02 am.
Biento: modera te basta fuerte for di direccion oost- noordoost;forsa 4 te 5 (20 te 39 km/ora, 11 te 21 nudo)
den dia fuerte te hopi duro den rafaga; forsa 6 te 8 (40 te 64 km/ora, 22 te 35 nudo)
Situacion general di tempo:
Den proximo 24 ora temporalmente mas nubia lo pasa riba region local y principalmente den oranan di marduga y mainta tin posibilidad pa un awacero pasahero. E diferencianan di presion den area di Caribe ta grandi y esaki ta provoca un biento duro te hopi duro den rafaga. Durante e siman cu a cuminsa aki esaki lo bira un poco menos y biento tambe lo bai supla menos duro.
Condicion di lama:
Olanan di lama lo ta for di direccion oost- noordoost cu haltura di 7 te 10 pia; e olanan di mas halto lo ta na costa noord te noordwest di e isla caminda esakinan por yega te 11 pia den labaderanan cu ta bini for di oost- noordoost. Ta pidi ocupantenan di boto chikito y usuarionan di facilidadnan di lama pa tene esaki na cuenta y procede cu cautela, specialmente riba lama grandi.
Temperatura di superficie di lama: 25 grado celsius.
Fenomenonan special: ningun
Registracion di temperatura (Celsius) y awasero (mm) den ultimo 24 ora:
Airport max 31 / min 25 / 0.0
Sero blanco max 30 / min 26 / 0.4
Pronostico di tempo pa proximo dianan di siman:
Levemente te parcialmente nubla cu chens pa un awasero pasahero. Biento lo ta for di direccion generalmente oost y modera te basta fuerte; den dia fuerte te duro den rafaga;
temperatura max / min lo ta: 31/26