Pronostico di tempo pa awe anochi: levemente te parcialmente nubla y generalmente seco. Den marduga y mañan: parcialmente nubla cu chens pa localmente un awasero.
Temperatura:
Temperatura maximo 34 grado Celsius y temperatura minimo 28 grado Celsius.
Bahada y subida di solo:
Solo lo baha awe nochi 06:43 pm y lo sali mañan mainta 06:29 am.
Biento:
Modera for di direccion generalmente oost; forsa 3 te 4 (12 te 30 km/ora, 7 te 16 nudo). Den dia basta fuerte te posiblemente fuerte den rafaga; forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora temporalmente den oranan di marduga y mainta trempan por forma mas nubia for di cual por cai un awasero pasahero.
Condicion di lama:
Olanan di lama lo ta for di direccion oost cu haltura di 3 te localmente 5 pia cu e olanan di mas halto na costanan oost, noordoost te noordwest di e isla. Den curso di diahuebs pa diabierna labaderanan produci pa Isaac lo cuminsa drenta awanan di region y por causa lama localmente algo bruto durante proximo weekend. Un aviso pa boto chikito lo por bira necesario e ora ey.
Tempo tropical significante: Horcan major Florence tabata moviendo west riba awanan habri di Atlantico, zuidoost di Bermuda, y no ta un menasa pa area di Caribe.
-Horcan Helene tabata moviendo noordwest, west di islanan Cabo Verde.Helene no ta un menasa pa area di Caribe.
-Tormenta tropical Isaac tabata move west riba awanan habri di Atlantico Central na un distancia di 1075 km oost di islanan ariba. Isaac lo aproxima e islanan mas oost den Caribe den curso di diahuebs. Departamento Meteorologico di Aruba lo sigui e desaroyonan rond di Isaac cu hopi atencion.
-Un area di presion abou den parti zuidoost di Golfo di Mexico tin un chens grandi di bira un cyclon tropical den curso di 48 ora.
Fenomenonan special: ningun
Potencial di awasero pa proximo 24 ora: 1 mm; localmente por varia
Registracion di temperatura (Celsius) y awasero (mm) den ultimo 24 ora:
Airport max 33/ min 27 / 0.0
Pronostico di tempo pa proximo tres (3) dianan:
Parcialmente nubla cu localmente un awasero. Biento lo ta for di generalmente direccion oost te noordoost y modera te basta fuerte; den dia fuerte den rafaga;
temperatura max / min lo ta: 34/27