Pronostico di tempo valido te diamars 06 di September 2016

Pronostico di tempo ta indica cu dialuna anochi, shelo lo ta parcialmente nubla cu chens pa localmente un awasero.
Diamars, shelo lo ta parcialmente te hopi nubla cu den oranan di marduga y mainta algun awasero local.

Temperatura maximo 33 grado Celsius y temperatura minimo 27 grado Celsius.

Solo lo baha awe nochi 06:48 pm y lo sali mañan mainta 06:29 am.

Biento:
Modera for di direccionnan entre noordoost y zuidoost; forsa 3 te 4 (12 te 30 km/ora, 7 te 16 nudo).
Den dia y durante di awasero basta fuerte te posiblemente fuerte den rafaga; forsa 5 te 6 (31 te 50 km/ora, 17 te 27 nudo);

Situacion general di tempo:
Den proximo 24 ora, un ola tropical den parti oost-central di Caribe lo trece aire humedo y instabil den atmosfera regional. Mientras e sistema aki ta sigui bay west e lo pone nubianan desaroya temporalmente for di cual por cay algun awasero riba isla di Aruba cu posibilidad di strena cu lamper.

Condicion di lama:
Olanan di lama lo ta for di direccion oost cu haltura di 4 te localmente 7 pia.

Temperatura di superficie di lama 28 grado Celsius.

Fenomenonan special: ningun

Tempo tropical: Hermine ta riba lama Atlantico, na un distancia di casi 300 km zuidoost di Long Island, Merca. Hermine no ta forma peliger pa area di Caribe.

Registracion di temperatura (Celsius) y awasero (mm) den ultimo 24 ora:
Airport max 32 / min 25 / 19.2
Hadicurari max 30 / min 25 / 16.5

Pronostico di tempo pa proximo dianan di siman:
Parcialmente nubla cu algun awasero breve y posibilidad di strena cu lamper;
Biento lo ta for di oost te zuidoost y lo ta modera te basta fuerte, de bes en cuando fuerte den rafaga.
Temperatura max/ min lo ta: 33/27

Comments

comments