Pronostico di tempo ta indica cu diadomingo anochi, shelo lo ta levemente te parcialmente nubla y generalmente seco.
Den marduga y dialuna, shelo lo ta parcialmente nubla cu localmente un awasero pasahero.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 07:04 pm y lo sali mañan mainta 06:27 am.
Biento:
For di direccionan entre oost y oost- zuidoost y modera te basta fuerte;
Forsa 4 te 5 (20 te 39 km/ora, 11 te 21 nudo)
Durante di dia fuerte te posiblemente duro den rafaga;
Forsa 6 te 7 (40 te 61 km/ora, 22 te 33 nudo)
Situacion general di tempo:
No ta premira cambionan significante den e tipo di tempo cu tin actualmente den region local. Atmosfera regional ta contene suficiente humedad pa produci un awasero pasahero den proximo 24 ora. Sinembargo no ta spera cantidad significante di yobida.
Condicion di lama:
Olanan di lama lo ta for di direccion oost cu haltura di 4 te localmente 6 pia riba awanan habri na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Un ola tropical den parti west-central di Caribe a sigui desaroya y a wordo nombra potential tropical cyclone 7, debi cu e tin un chens grandi di bira un ciclon tropical den proximo oranan mientras e ta move west noordwest riba lama Caribe. E sistema ta moviendo actualmente banda di e grens di
Honduras y nicaragua y no ta representa peliger pa region local.
Un ola tropical situa mas of menos mey mey di islanan Cabo Verde y region di Caribe tin un chens medio grandi pa sigui desaroya y bira un ciclon tropical den proximo 5 dia mientras e ta move west riba e parti tropical di oceano Atlantico.
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 0.0
Hadicurari max 32 / min 27 / 0.0
Pronostico di tempo pa proximo dianan di siman:
Parcialmente nubla y cu localmente un awasero
Biento lo ta for di generalmente direccion oost y modera te basta fuerte,
De bes en cuando fuerte te posiblemente duro den rafaga;
Temperatura max / min lo ta: 34/28