Pronostico di tempo ta indica cu diadomingo anochi, shelo lo ta parcialmente nubla y generalmente seco. Den marduga y dialuna, shelo lo ta parcialmente nubla cu localmente un awasero breve.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:49 pm y lo sali mayan mainta 06:29 am.
Biento: modera te basta fuerte for di direccionan entre oost y oost- zuidoost; forsa 4 te 5 (20 te 39 km/ora, 11 te 21 nudo). Durante di dia fuerte te posiblemente duro den rafaga;
forsa 6 te 7 (40 te 61 km/ora, 22 te 33 nudo).
Situacion general di tempo:
Humedad laga atras pa un ola tropical cu a pasa bai West lo zorg pa den proximo 24 ora de bez en cuando mas nubia pasa riba region local. Pa e motibo aki por spera principalmente den oranan di marduga y mainta localmente un awasero riba isla di Aruba.
Condicion di lama:
Olanan di lama lo ta for di direccion oost cu haltura di 4 te localmente 6 pia na costa noord te noordwest. Labaderanan for di noordoost lo cuminsa yega awanan regional den curso di dialuna y esaki lo zorg pa localmente lama poco bruto den e proximo dianan.
Temperatura di superficie di lama: 28 grado celsius.
Fenomenonan special: ningun
Sistemanan significante di weer tropical:
-horcan Irma tabata situa na mas o menos 1275 km oost di islanan mas oost
di area di Caribe, moviendo west y te ainda ta solamente un molester pa navegacion maritimo.
-un ola tropical situa zuidwest di islanan Cabo Verde tin un chens grandi
pa den proximo 5 dia sigui desaroya y bira un ciclon tropical.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 33 / min 27 / 0.0
Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di direccion generalmente oost y modera te basta fuerte, den dia de bes en cuando fuerte te posiblemente
duro den rafaga; temperatura max / min lo ta: 34/28