Pronostico di tempo ta indica cu diadomingo anochi, shelo lo ta parcialmente nubla y seco den marduga.
Dialuna, shelo lo ta parcialmente te temporalmente hopi nubla cu posibilidad di algun awasero local.
Temperatura maximo 31 grado Celsius y temperatura minimo 26 grado Celsius.
Solo lo baha awe nochi 06:12 pm y lo sali mañan mainta 06:45 am.
Biento:
For di direccionan entre noordoost te zuidoost y modera; forsa 2 te 4 (7 te 30 km/ora, 4 te 16 nudo).
Situacion general di tempo:
Den proximo 24 ora humedad y instabilidad den atmosfera produci pa un disturbio riba nivelnan mas halto di atmosfera lo percura pa temporalmente mas nubia pasa riba nos area.
For di e nubianan aki por cay algun awasero riba isla di Aruba cu posibilidad di strena cu lamper.
Condicion di lama:
Olanan di lama lo ta for di direccion noordoost cu haltura di 3 te localmente 6 pia.
Temperatura di superficie di lama 28 grado Celsius.
Fenomenonan special: ningun
Tempo tropical: ningun
Registracion di temperatura (Celsius) y awasero (mm) den ultimo 24 ora:
Airport max 31 / min 27 / 1.2
Hadicurari max 30 / min 27 / 0.0
Pronostico di tempo pa comienso di siman:
Parcialmente nubla cu chens pa localmente algun awasero;
Biento lo ta for di oost te noordoost y modera;
Temperatura max/ min lo ta: 31/26