Un alerta pa biento duro y lama localmente bastante bruto ta na vigor te otro aviso…
Tempo:
Awe anochi: levemente te parcialmente nubla y generalmente seco. Den marduga y mañan: Parcialmente nubla cu chens pa localmente un awasero pasahero.
Temperatura maximo 30 grado Celsius
Temperatura minimo 25 grado celsius.
Bahada di solo : 6:36 pm
Subida di solo : 7:06 am.
Biento: modera te fuerte for di generalmente direccion oost; forsa 4 te 6 (20 te 50 km/ora, 11 te 27 nudo). Den dia duro te hopi duro den rafaga;forsa 7 te 8 (51 to 64 km/hr, 28 to 35 nudo).
Situacion general di tempo:
Den proximo 24 ora no ta spera cambionan significante den e tipo di weer cu tin actualmente. den oranan di marduga y mainta humedad na nivelnan mas abou di atmosfera por bira suficiente pa desaroya un awacero pasahero; resto di dia weer lo keda seco.
Diferencianan di presion di aire den Caribe ta relativamente grandi. Esaki ta pone cu biento lo por supla de bez en cuando mas duro cu normaal durante e proximo dianan.
Condicion di lama:
Olanan di lama lo ta for di direccion oost cu haltura di 4 te localmente 7 pia. E olanan di mas halto lo ta na costanan oost te noordwest di e isla. ta pidi ocupantenan di boto chikito pa tene cuenta cu esaki ya cu e biento relativamente fuerte lo ocasiona lama localmente mas bruto.
Fenomenonan special: durante awe nochi, pa dialuna marduga dia 21, lo bay tin un eclipse total di luna cu lo ta visible den su totalidad aki na Aruba. E evento den su parti penumbral lo cuminsa 10:36 pm diadomingo dia 20. E eclipse total lo cuminsa 00:41 am dialuna cu un maximo 1:12 am. E eclipse maximo lo termina 1:43 am. e evento den su totalidad (parti penumbral) lo termina 3:48 am dialuna.
Potencial di awacero pa proximo 24 ora: 1 mm; localmente esaki por varia
Registracion di temperatura (Celsius) y awasero (mm) den ultimo 24 ora:
Airport max 30° / min 25° / 0.0 mm
Pronostico di tempo pa proximo tres (3) dianan:
Parcialmente nubla cu chens pa un awasero pasahero. Biento lo ta modera te basta fuerte for di direccion oost; den dia fuerte te duro, posiblemente hopi duro den rafaga;
temperatura max / min lo ta: 30° / 25°