Pronostico di tempo ta indica cu diadomingo anochi, shelo lo ta parcialmente nubla y generalmente seco.
Den marduga y dialuna, shelo lo ta parcialmente nubla cu localmente un awasero pasahero.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 06:39 pm y lo sali mañan mainta 06:29 am.
Biento: modera for di direccionan entre oost- noordoost y oost- zuidoost;
Forsa 3 te 4 (12 te 30 km/ora, 7 te 16 nudo)
Den dia basta fuerte te posiblemente fuerte den rafaga;
Forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora e aire den region ta relativamente seco, sinembargo, humedad por bira net suficiente den oranan di marduga pa mainta tempran y produci un awasero pasahero.
Condicion di lama:
Olanan di lama lo ta for di direccion noordoost cu haltura di 3 te localmente 5 pia.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical:
Horcan Jose tabata situa riba Oceano Atlantico, zuidoost di Cape Hatteras, North Carolina y tabata moviendo noord. Jose no ta un peliger pa region local.
Lee a debilita y ta awo un depresion tropical. Lee tabata move west riba awanan di Atlantico tropical y ta solamente un molester pa nabegacion maritimo.
Maria a bira horcan y tabata situa mas of menos na 445 km oost-zuidoost di Dominica.
Maria ta moviendo west-noordwest y no ta un menasa pa region local.
Registracion di temperatura (Celsius) y awasero (mm) den ultimo 24 ora:
Airport max 35 / min 28 / 0.0
Hadicurari max 34 / min 28 / 0.0
Pronostico di tempo pa proximo dianan di siman:
Parcialmente nubla cu localmente un awacero breve.
Biento lo ta for di direccion oost y modera te basta fuerte.
Temperatura max / min lo ta: 34/28