Pronostico di tempo valido te diahuebs 5 di juli 2018

0
RBC Juli 2018
Funmiles-2018

Pronostico di tempo pa awe anochi: levemente te parcialmente nubla cu chens pa un awasero pasahero. Den marduga y diahuebs: parcialmente nubla cu localmente un awasero

Temperatura maximo 32 grado Celsius y temperatura minimo 26 grado Celsius.

solo lo baha awe nochi 07:09 pm y lo sali maƱan mainta 06:19 am.

Biento: modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)

Situacion general di tempo:
Den proximo 24 ora un ola tropical lo pasa den region local bayendo west. E sistema aki lo zorg pa temporalmente aumento di nubia cu localmente algun awasero. No por exclui posibilidad di lamper cu strena. Mas aleu por bisa cu stof fini den aire lo bolbe haci su entrada den proximo
dianan y lo stroba visibilidad un poco.

Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla.

Fenomenonan special: ningun

Tempo tropical significante: un area di presion abou, algun cien kilometer zuid di Bermuda, tin un chens medio pa sigui desaroya y bira un ciclon tropical den proximo 48 ora mientras e ta move noord pa noordwest riba awanan di Oceano Atlantico.

Potencial di awasero pa proximo 24 ora: 1 te 5 mm; localmente por varia

Registracion di temperatura (Celsius) y awasero (mm) den ultimo 24 ora:

Airport max 32 / min 25 / 0.8

Pronostico di tempo pa proximo dianan di siman:
Parcialmente nubla cu localmente un awasero. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 33/27

Comments

comments

C: Heineken
new india