Pronostico di tempo ta indica cu diaranson anochi, shelo lo ta parcialmente nubla y chens pa un awasero.
Diahuebs, shelo lo ta parcialmente te temporalmente hopi nubla cu algun awasero localmente.
Un alerta pa tormenta tropical ta na vigor pa Aruba; Esaki kiermen cu condicionnan di
tormenta tropical ta posibel den proximo 36 pa 48 hora.
Alerta: Un aviso pa boto chikito lo drenta na vigor awe tardi 6 pm. Labaderanan for di oost noordoost lo haci lama relativamente bruto y ta pidi doñonan di boto chikito pa tene esaki na cuenta.
Temperatura maximo 32 grado Celsius y temperatura minimo 27 grado Celsius.
Solo lo baha awe nochi 06:32 pm y lo sali mañan mainta 06:29 am.
Biento:
For di generalmente direccion oost y modera te basta fuerte; forsa 3 te 5 (12 te 39 km/ora, 7 te 21 nudo).
Den dia fuerte den rafaga; forsa 6 (40 te 50 km/ora, 22 te 27 nudo);
Den curso di mañan biento lo cuminsa bin for di direccionan entre noordoost y noord- noordoost y modera te basta fuerte; forsa 3 te 5 ( 12 te 39 km/ora, 7 te 21 nudo)
De bez en cuando y durante di awasero, fuerte te duro den rafaga; forsa 6 te 7(40 te 61 km/ora, 22 te 33 nudo);
Situacion general di tempo:
Aire humedo y instabil lo pone nubianan desaroya y den region local durante proximo
24 ora. Esaki lo aumenta segun e tormenta Matthew acerca region local. E probabilidadnan
di awasero riba isla di Aruba lo bira mas grandi cu tambe posibilidad di strena cu lamper.
Condicion di lama:
Olanan di lama lo ta for di direccion oost cu haltura di 5 te localmente 9 pia den labaderanan for di oost y noordoost. Den curso di mañan lama lo bira gradualmente mas bruto cu olanan di 8 pa 12 pia segun Matthew acerca region local.
Temperatura di superficie di lama 29 grado Celsius.
Fenomenonan special: ningun
Tempo tropical:
Tormenta tropical Matthew tabata situa awe tardi na 13.8 noord y 62.0 west; esaki ta 110 km
west di St. Lucia y 830 km oost di Aruba. E sistema ta move den direccion west cu 30 km/ora.
Servicio Meteorologico di Aruba ta siguiendo desaroyonan di Matthew hopi di cerca y ta urgi
pueblo di Aruba pa keda al tanto di boletinan di tempo.
Registracion di temperatura (Celsius) y awasero (mm) den ultimo 24 ora:
Airport max 34 / min 29 / 0.0
Hadicurari max 32 / min 28 / 0.0
Pronostico di tempo pa proximo dianan di siman:
Parcialmente te hopi nubla cu algun awasero local y chens pa strena cu lamper;
Biento lo ta for di noordoost te noord- noordoost y lo ta modera te basta fuerte, fuerte te duro den rafaga durante di awasero.
Temperatura max/ min lo ta: 30/25