Tempo: Awe anochi: parcialmente nubla y generalmente seco den marduga y mayan: parcialmente nubla sin awacero di importancia
temperatura maximo 32 grado celsius
temperatura minimo 27 grado celsius
bahada di solo : 6:53 pm
subida di solo : 6:24 am.
biento: Modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
situacion general di tempo pa proximo 24 ora: Den proximo 24 ora aire den region local cu ta
relativamente seco, lo stroba desaroyo di mayoria nubia cu ta produci awacero. sinembargo, un aumento leve di humedad por produci un awacero pasahero den oranan di marduga y mainta trempan. sobra di dia lo keda seco.
mas aleu por bisa cu stof fini di sahara lo stroba visibilidad y baha e calidad di aire un poco durante proximo dianan. personanan cu alergia y problemanan respiratorio mester tene esaki na cuenta.
condicionan maritimo/ estado di lama: un estado di lama generalmente modera na parti zuid
y modera te basta bruto na sectornan oost te noordwest ta wordo spera den proximo 24 ora. olanan lo ta for di oost entre 4 pa 7 pia cu e olanan di mas halto na partinan oost te noordwest di costa.
aviso/ alerta: e aviso pa boto chikito pa partinan oost te noordwest a wordo extende te cu diahuebs 6 pm.
Ta pidi ocupantenan di boto chikito pa bai cu poco cautela na sobra partinan di costa, ya cu e biento relativamente duro por causa lama poco bruto.
fenomenonan special: Diahuebs 22 di April y diabierna solo lo ta recht riba aruba of manera nan ta bisa den zenith pa mas o menos 12.38 pm. Esaki ta sosode debi cu solo den su movemiento aparente pa noord lo pasa riba nos region. na e momento ei lo bo ripara cu bo ta para riba bo sombra. esaki lo repiti atrobe dia 19 di augustus ora solo pasa bai zuid.
potencial di awacero pa proximo 24 ora:
menos di 1 mm; localmente esaki por varia.
registracion di temperatura (grado celsius) y
awacero (mm) den ultimo 24 ora (8’am pa 8’am):
airport : max 32 / min 26 / 0.0 mm
westpunt: max 32 / min 27 / 0.0 mm
sta rosa: max 32 / min 27 / 0.0 mm
pronostico di tempo pa proximo 3 dianan: parcialmente nubla cu un awacero pasahero.
biento lo ta for di direccion oost y modera te basta fuerte; fuerte te posiblemente duro den rafaga; temperatura (grado celsius) max / min lo ta: 32 / 27