Pronostido di tempo ta indica cu diaranson anochi, shelo lo ta levemente te parcialmente nubla cu chens pa un awasero breve.
Diahuebs shelo lo ta parcialmente nubla cu den oranan di marduga y mainta tempran chens pa localmente algun awasero.
Temperatura maximo 34 grado Celsius y temperatura minimo 27 grado Celsius.
Solo lo baha awe nochi 06:41 pm y lo sali mañan mainta 06:29 am.
Biento:
Modera te basta fuerte for di generalmente direccion oost; forsa 3 te 5 (12 te 39 km/ora, 7 te 21 nudo).
Den dia posiblemente fuerte den rafaga; forsa 6 (40 te 50 km/ora, 22 te 27 nudo);
Situacion general di tempo:
Den proximo 24 ora, un disturbio na nivelnan mas abou di atmosfera den parti oost di area di Caribe lo percura pa aire humedo y instabil wordo transporta pa region local.
Nubianan lo forma principalmente den oranan di marduga y mainta tempran y produci algun awasero riba isla di Aruba cu posibilidad e ora ey di strena cu lamper.
Condicion di lama:
Olanan di lama lo ta for di direccion oost cu haltura di 3 te localmente 5 pia.
Temperatura di superficie di lama 29 grado Celsius.
Fenomenonan special: ningun
Tempo tropical: Tormenta tropical ian tabata moviendo noord riba Atlantico Central y no ta un peliger pa area di Caribe.
– Mientras tanto ayera nochi a forma tormenta tropical Julia banda di costa Mericano entre Florida y Georgia. Julia tabata moviendo den direccion noord- noordoost y no ta forma peliger pa area di Caribe.
– Awe mainta a forma e di 12 depresion tropical di temporada na noordwest di islanan Cabo Verde. Depresion tropical nr. 12 tabata move den direccion west- noordwest riba awanan di oost Atlantico y ta un molester pa solamente nabegacion maritimo.
Registracion di temperatura (Celsius) y awasero (mm) den ultimo 24 ora:
Airport max 33 / min 27 / 1.4
Hadicurari max 31 / min 27 / 0.0
Pronostico di tempo pa proximo dianan di siman:
Parcialmente nubla cu chens pa algun awasero;
Biento lo ta generalmente for di oost y lo ta modera te basta fuerte, posiblemente fuerte den rafaga.
Temperatura max/min lo ta: 34/27