Pronostico di tempo compila diaranson 09 di augustus 2017 ta indica cu diaranson anochi tempo lo ta levemente te parcialmente nubla y generalmente seco. Den marduga y diahuebs tempo lo ta parcialmente nubla cu un awasero pasahero.
Temperatura maximo 34 grado Celsius y temperatura minimo 28 grado Celsius.
Solo lo baha awe nochi 07:03 pm y lo sali mañan mainta 06:27 am.
Biento lo ta for di direccionnan entre oost y oost- zuidoost y modera te basta fuerte;
forsa 4 te 5 (20 te 39 km/ora, 11 te 21 nudo). Durante di dia fuerte te posiblemente duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Un ola tropical den parti oost di area di caribe ta moviendo den direccion west. Humedad cu e sistema aki lo bai trece den atmosfera regional lo induci de bez en cuando mas nubia for di cual por cai localmente un awacero riba isla di Aruba den proximo 24 ora.
Condicion di lama:
Olanan di lama lo ta for di direccion oost cu haltura di 4 te localmente 7 pia riba awanan habri na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical:
Franklin a sigui desaroya y bira e prome orkan di temporada 2017. Horcan “Franklin” ta moviendo actualmente noordoost di Veracruz, Mexico den direccion west. Franklin no ta forma peliger pa region local.
Registracion di temperatura (Celsius) y awasero (mm) den ultimo 24 ora:
Airport max 34 / min 28 / 0.0
Hadicurari max 32 / min 27 / 0.0
Pronostico di tempo pa proximo dianan di siman:
Parcialmente nubla i cu localmente un awasero breve. Biento lo ta for di generalmente direccion oost y modera te basta fuerte, de bes en cuando fuerte te posiblemente duro den rafaga;temperatura max / min lo ta: 34/28