Pronostico di tempo valido te diahuebs 01 di September 2016

Pronostico di tempo ta indica cu diaranson anochi, shelo lo ta levemente te parcialmente nubla y generalmente seco.
Diahuebs, shelo lo ta parcialmente nubla cu den oranan di marduga y mainta tempran chens pa un awacero local.

Temperatura maximo 34 grado Celsius y temperatura minimo 28 grado Celsius.

Solo a baha awe nochi 06:51 pm y lo sali mañan mainta 06:29 am.

Biento:
For di direccion oost y modera te basta fuerte; forsa 3 te 5 (12 te 30 km/ora, 7 te 21 nudo).
Den dia fuerte te duro den rafaga; forsa 6 te 7 (31 te 61 km/ora, 22 te 33 nudo);

Situacion general di tempo:
Den proximo 24 ora, humedad y inestabilidad den atmosfera lo pone nubianan desaroya temporalmente y for di esakinan por spera localmente un awasero den oranan di marduga y mainta tempran riba isla di Aruba.

Condicion di lama:
Olanan di lama lo ta for di direccion oost cu haltura di 5 te localmente 8 pia.

Temperatura di superficie di lama 28 grado Celsius.

Fenomenonan special: ningun

Tempo tropical: Gaston ta moviendo oost-noordoost riba awanan habri di Atlantico, west di islanan Azores y ta solamente un molester pa nabegacion maritimo.
– Depresion tropical nr. 8 ta situa na oost di Cape Hatteras, North Carolina, moviendo noordoost; ta anticipa cu e sistema por bira un tormenta tropical den proximo 24 ora, pero apesar di esaki e no ta forma peliger pa area di Caribe.
– Depresion tropical nr. 9. a intensifica y bira tropical storm Hermine. Hermine tabata situa den parti oost di Golfo di Mexico y no ta forma peliger pa area di Caribe.

Registracion di temperatura (Celsius) y awasero (mm) den ultimo 24 ora:
Airport max 33 / min 28 / 0.6
Hadicurari max 31 / min 27 / 0.0

Pronostico di tempo pa proximo dianan di siman:
Parcialmente nubla cu un awasero breve;
Biento lo ta for di generalmente oost y lo ta modera te basta fuerte, de bes en cuando fuerte te duro den rafaga.
Temperatura max/ min lo ta: 34/28

Comments

comments