Pronostico di tempo ta indica cu diasabra anochi, shelo lo ta levemente te parcialmente nubla y generalmente seco.
Den marduga y diadomingo, shelo lo ta parcialmente nubla cu localmente un awasero.
Temperatura maximo 34 grado Celsius y temperatura minimo 28 grado Celsius. Solo a baha awe nochi 07:04 pm y lo sali mañan mainta 06:27 am.
Biento:For di direccionan entre oost y oost- zuidoost y modera te basta fuerte;Forsa 3 te 5 (12 te 39 km/ora, 7 te 21 nudo). Durante di dia fuerte te posiblemente duro den rafaga; Forsa 6 te 7 (40 te 61 km/ora, 22 te 33 nudo)
Situacion general di tempo: Atmosfera regional ta contene suficiente humedad pa de bes en cuando mas nubia forma riba nos isla. Pa e motibo aki por spera un awasero den proximo 24 ora riba isla di Aruba.
Condicion di lama:Olanan di lama lo ta for di direccion oost cu haltura di 4 te localmente 7 pia riba awanan habri na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di tempo tropical: Un area di mal tempo relaciona cu un ola tropical ta situa mey mey di Africa y region di Caribe. E sistema aki tin un chens grandi pa sigui desaroya y bira un ciclon tropical den proximo 5 dia mientras e ta move west riba e parti tropical di oceano Atlantico.
Un otro ola tropical den parti central di Caribe tin un chens grandi pa bira un ciclon tropical den proximo 2 dia mientras e ta move west noordwest riba lama Caribe.
Registracion di temperatura (Celsius) y awasero (mm) den ultimo 24 ora:
Airport max 33 / min 28 / 0.0
Hadicurari max 33 / min 27 / 0.0
Pronostico di tempo pa comienso di siman: Parcialmente nubla y cu localmente un awasero biento lo ta for di generalmente direccion oost y modera te basta fuerte, de bes en cuando fuerte te posiblemente duro den rafaga;Temperatura max / min lo ta: 34/28