ALERTA
Un advertencia pa biento duro ta na vigor te 6 am ast diamars 1 Augustus 2017
Pronostico di tempo compila diasabra 29 di Juli 2017 ta indica cu diasabra anochi e tempo lo ta levemente te parcialmente nubla y generalmente seco. Den marduga y diadomingo tempo lo ta levemente te parcialmente nubla cu localmente un awasero.
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 07:07 y lo sali mañan mainta 06:26
Biento:
Por lo general direccion oost y modera te basta fuerte; forsa 4 te 5 (20 te 39 km/ora, 11 te 21 nudo). Durante di dia fuerte te duro, tin bez hopi duro den rafaga;
forsa 6 te 8 (40 te 64 km/ora, 22 te 35 nudo)
Situacion general di tempo:
Humedad den atmosfera regional por pone temporalmente mas nubia pasa riba region local. Pa e motibo aki por spera un awasero pasahero riba isla di Aruba. Mas aleu, diferencianan di presion di aire den Caribe lo pone cu biento lo supla un poco mas duro durante dianan venidero.
Condicion di lama:
Olanan di lama lo ta for di direccion oost cu haltura di 4 te 6 pia; localmente 7 pia na costa noordwest di nos isla.
Temperatura di superficie di lama: 28 grado Celsius.
Fenomenonan special: ningun
Sistemanan significante di weer tropical: ningun
Registracion di temperatura (celsius) y awacero (mm) den ultimo 24 ora:
Airport max 33 / min 28 / 0.0
Hadicurari max 32 / min 27 / 0.3
Pronostico di tempo pa comienso di siman:
Parcialmente nubla y cu un awasero pasahero. Biento lo ta for di generalmente direccion oost y modera te basta fuerte, de bes en cuando fuerte te duro, tin bez hopi duro den rafaga;
temperatura max / min lo ta: 33/28