Un recordatorio/alerta ta bai pa publico en general pa tene cuenta cu nos ta den e epoca di mas calor di aña y cu e sensacion di calor por yega 38 te 42 grado (°c) durante proximo dianan.
tempo:
awe anochi: parcialmente nubla cu chens riba un awacero breve den marduga y mayan: parcialmente te temporalmente hopi nubla cu chens pa localmente algun awacero.
temperatura maximo 33 grado celsius temperatura minimo 27 grado celsius
bahada di solo : 6:37 pm subida di solo : 6:29 am.
biento:
for didireccionan entre noordoost te zuidoost; forsa 2 te 4 (7 te 23 km/ora, 4 te 12 nudo)
Situacion general di tempo:
Humedad y instabilidad ta keda persisti den region local. esaki lo haci cu den proximo 24 ora por spera localmente algun awacero cu por bay acompaña pa lamper cu strena na cierto momento. localmente awacero por ta pisa na cierto momento y causa algo di molester. Mas aleu por bisa cu debi na e epoca di aña, humedad halto combina cu temperatura poco eleva y un biento zwak te modera lo pone cu e sensacion di calor lo ta halto (38 te 42 grado) durante proximo dianan.
condicion di lama:
olanan di lama lo ta for di direccion oost cu haltura di 4 te localmente 7 pia. durante e weekend aki nos lo tini otro round di resake for di noordoost i un aviso pa boto chikito ta na vigor pa principalmente areanan di costa noordoost te noordwest.
fenomenonan special: ningun
tempo tropical significante:
-“jerry a debilita un poco i ta un tormenta tropical awor.”jerry” tabata situa na un distancia di 550 km noord di san juan, puerto rico y ta move noordwest. e sistema aki no ta un peliger pa region di caribe.
-un ola tropical, oost di e cadena di islanan oost den caribe, tin un chens grandi pa den proximo 2 dianan di sigui desaroya y bira un ciclon tropical.
potencial di awacero pa proximo 24 ora: 5 te 20 mm;
registracion di temperatura (°celsius) y awacero (mm) den ultimo 24 ora:
airport max 31° / min 27° / 0.0 mm
pronostico di tempo pa proximo tres (3) dianan: parsialmente nubla cu localmente un awacero. biento lo ta zwak te modera for di noordoost te oost.
temperatura max / min lo ta: 35° / 28°
e proximo bulletin lo wordo publica diadomingo 22 di september 2019 17:00 (21:00 utc)