Pronostico di tempo ta indica cu diasabra anochi shelo lo ta parsialmente nubla cu posibilidad di un awacero breve. Diadomingo, shelo lo ta parcialmente nubla cu chens pa localmente un awacero den oranan di marduga y mainta
Temperatura maximo 33 grado Celsius y temperatura minimo 27 grado Celsius.
Solo lo baha awe nochi 06:25 pm y lo sali mañan mainta 06:30 am.
Biento:
For di direccion oost te zuidoost y suak te modera; forsa 2 te 4 ( 7 te 30 km/ora, 4 te 16 nudo) temporalmente for di direccionan varia; forsa 1 te 2 (1 te 11 km/ora, 1 te 6 nudo)
Situacion general di tempo:
Den proximo 24 ora humedad laga atras pa un ola tropical lo pone nubianan aumenta temporalmente for di cual por spera un awacero riba isla di Aruba cu posibilidad di strena cu lamper.
Condicion di lama:
Olanan di lama lo ta for di direccion oost- zuidoost cu haltura di 3 te 4 pia.
Temperatura di superficie di lama 29 grado Celsius.
Fenomenonan special: ningun
Tempo tropical: horcan Matthew, tabata situa awe tardi cerca di Cape Fear, North- Carolina, moviendo den direccion noordoost; e sistema aki no ta un peliger pa nos region local. Tormenta tropical Nicole tabata situa na mas o menos 840 km zuid di Bermuda y tabata moviendo hopi eratico durante ultimo 24 hora. E sistema aki no ta un peliger pa nos region.
Registracion di temperatura (Celsius) y awasero (mm) den ultimo 24 ora :
Airport max 33 / min 26 / 0.6
Hadicurari max 33 / min 26 / 8.4
Pronostico di tempo pa sobra di fin di siman:
Parcialmente nubla cu chens pa localmente un awasero; biento lo ta for di oost- zuidoost y lo ta generalmente modera; temperatura max/ min lo ta: 33/28