Pronostico di tempo ta indica cu diahuebs anochi, shelo lo ta parcialmente te hopi nubla cu algun awasero compaña pa strena cu lamper.
Diabierna, shelo lo ta hopi nubla cu algun awasero compaña mayoria di bes pa strena cu lamper.
Un alerta pa tormenta tropical ta na vigor pa Aruba; esaki kiermen cu condicionnan di tormenta tropical ta posibel den proximo 36 pa 48 hora.
Alerta: Un aviso pa boto chikito ta na vigor. Labaderanan for di noordoost lo haci lama relativamente bruto y ta pidi doñonan di boto chikito pa no aventura riba lama.
Tempo:
Temperatura maximo 28 grado Celsius y temperatura minimo 24 grado Celsius.
Solo lo baha awe nochi 06:31 pm y lo sali mañan mainta 06:29 am.
Biento:
For di direccionnan entre noord y noordwest y swak te modera; forsa 2 te 4 (7 te 30 km/ora, 4 te 16 nudo).
De bes en cuando y durante di awasero, fuerte te duro den rafaga; forsa 5 te 7(31 te 61 km/ora, 17 te 33 nudo);
Situacion general di tempo:
Aire humedo y instabil induci pa ciclon tropical Matthew lo pone nubianan desaroya den region local durante proximo 24 ora. Esaki lo trece periodonan cu awasero riba isla di Aruba cu tambe posibilidad di strena cu lamper.
Condicion di lama:
Olanan di lama lo ta for di direccion noord te noordoost cu haltura di 6 te localmente 9 pia den labaderanan for di noordoost. Den curso di mañan lama lo bira gradualmente mas bruto cu olanan di 8 pa 12 pia segun Matthew acerca region local.
Temperatura di superficie di lama 29 grado Celsius.
Fenomenonan special: ningun
Tempo tropical:
Matthew a bira horcan y tabata situa awe tardi na 14.1 noord y 67.8 west; esaki ta 240 km noord- noordoost di Corsou y 260 km oost noordoost di Aruba. e sistema ta move den direccion west cu 28 km/ora. Servicio Meteorologico di Aruba ta siguiendo desaroyonan di Matthew hopi dia acerca y ta urgi pueblo di Aruba pa keda al tanto di boletinan di tempo.
Registracion di temperatura (Celsius) y awasero (mm) den ultimo 24 ora:
Airport max 34 / min 25 / 1.2
Hadicurari max 30 / min 25 / 6.4
Pronostico di tempo pa proximo dianan di siman:
Parcialmente te hopi nubla cu algun awasero local y chens pa strena cu lamper; biento lo ta for di noord noordwest te west y lo ta swak te modera, basta fuerte te duro den rafaga durante di awasero.
Temperatura max/ min lo ta: 28/24