Pronostico di tempo valido te diabierna 28 December 2018

Un alerta pa biento duro y lama localmente bastante bruto
ta na vigor te proximo aviso.

Tempo: Awe anochi: Levemente te parcialmente nubla y generalmente seco
den marduga y mayan: parcialmente te brevemente hopi nubla  cu chens pa localmente un awacero breve.

Temperatura maximo 29 grado celsius. Temperatura minimo 24 grado celsius.

Solo lo baha awe nochi 06:23 pm. Solo lo sali mayan mainta 06:59 am.

Biento: Modera te fuerte for di generalmente direccion oost; forsa 4 te 6 (20 te 50 km/ora, 11 te 27 nudo) den dia duro, posiblemente tin bez hopi duro den rafaga; forsa 7 te 8 (51 to 65 km/hr, 28 to 35 nudo).

Situacion general di tempo: Den proximo 24 ora no ta anticipa mucho cambio den e tipo di tempo cu tini actualmente. principalmente den oranan di marduga y mainta un awacero breve por cai localmente  debi na e humedad existente den nivelnan mas abou di atmosfera. diferencianan di presion di aire den caribe ta grandi y pa e motibo aki biento ta suplando mas duro  cu normaal den region local. E alerta pa biento fuerte y lama localmente basta bruto lo keda na vigor te proximo aviso.

Condicion di lama: Olanan di lama lo ta for di direccion oost cu haltura di 4 te localmente
8 pia cu e olanan di mas halto na costanan oost te noordwest di e isla. ta pidi ocupantenan di boto chikito pa procede cu cautela riba lama habri. Un alerta pa biento fuerte i lama localmente basta bruto ta keda na vigor.

Fenomenonan special: ningun

Potencial di awacero pa proximo 24 ora: 1 mm; localmente esaki por varia

Registracion di temperatura (celsius) y awacero (mm) den ultimo 24 ora:

airport max 30° / min 26° / 0.0 mm

pronostico di tempo pa proximo tres (3) dianan:
parsialmente nubla cu localmente un awacero breve.
biento lo ta modera te fuerte for di direccion oost;
den dia duro te hopi duro den rafaga;
temperatura max / min lo ta: 29° / 25°

e proximo bulletin lo wordo publica diabierna 28 di december 2018 17:00 (21:00 utc)

Comments

comments